Mae Siediau Dynion Cymru wedi creu rhwydwaith o fannau (“siediau”) ledled Cymru lle gall dynion ddod ynghyd i sgwrsio, cymryd rhan mewn gweithgareddau a gwneud ffrindiau newydd. Mae’n seiliedig ar y syniad mai’r ffordd orau i ddynion ffurfio cysylltiadau agos yw trwy weithio ar weithgareddau ar y cyd. Mae pob “sied” yn wahanol gan mai diddordebau’r aelodau sy’n ei lywio.
Er 2013, mae Siediau Dynion Cymru wedi:
- Cefnogi mwy na 1000 o aelodau gweithredol o siediau yng Nghymru
- Sefydlu mwy na 70 o siediau ledled Cymru.
Trwy ymgysylltu a gwrando ar yr hyn y mae ar ddynion (a’u cymunedau) ei eisiau, yr ydym wedi:
- Helpu i greu cymuned fywiog o siediau dynion yng Nghymru lle nad oedd un o’r blaen
- Rhoi cyfle i nifer o ddynion ailgysylltu â’u cymuned
- Rhoi llais i ddynion ar lefel leol, ranbarthol a chenedlaethol.
Cawsom ein hysbrydoli gan y sylw bod “dynion yn siarad ysgwydd wrth ysgwydd yn hytrach nag wyneb yn wyneb” ac aethom ati i greu mannau diogel lle gall dynion ymlacio, meithrin cysylltiadau a chymryd rhan mewn gweithgareddau. Gwelsom ganlyniadau gwych: dynion sydd wedi gwneud ffrindiau newydd a darganfod diddordebau newydd. Cawsant gymorth gennym i gael hyd i ymdeimlad o bwrpas a theimlo’n fwy bodlon eu byd.
I gael rhagor o wybodaeth, edrychwch ar www.mensshedscymru.co.uk
